Óli, María, Bára Ósk & Litla kúlan

VÁ VÁ

Thu, 01 Nov 2007 00:02:35 GMT

Blogg maður lifandi hverjum hefði dottið það í hug en fyrst ég var að fikta inní þessu og breyta tenglum þá ákvað ég að droppa línum um það hvernig við lifum og höfum það!

Fyrst þá er Prinsinn kominn, 3 sept var dagurinn og 53 cm og 3.490 kg var draumadrengurinn.

Í dag er hann tæplega 2 mánaða slagar sennilegast aðeins yfir 6 kg og er með fleiri fellingar en Roseanne Barr og Bjössi Bolla til saman, ógó sætur eins og tjellurnar mundu segja.

Af okkur er það að frétta að okkur líður bara vel, barneignarfríið búið og vinnan að hefjast, hjá mér í vinnu og hjá Maríu að vera ein með börnin, annars þá verður rosalega erfitt að fara frá þeim í fullan vinnudag en það er bara svo langt síðan við höfum ekki getað eytt meiripartinum af deginum saman en svona er víst lífið og verður gaman að takast á við það.

erum hress sem fress, spræk sem hræk og allt það og hlökkum til að heyra í ykkur, af ykkur frá ykkur eða hreinlega bara ekkert, ykkar er valið en sá á víst kvölina sem á völina, sérstaklega ef hann er með valkvíða eða nýjustu greininguna í bransanum sem er mótþróaþrjóskuröskun vá skyldi ég hafa stafað þetta rétt en það gæti bara verið efni í næsta "ertu skarpari en skólakrakki.....og skynsamari en fm hnakki"

jæja friðurinn er úti,

píZ

MESSAGE!!

Sun, 22 Jul 2007 02:43:11 GMT

Ný skoðanakönnun komin upp

Annars allt gott að frétta af okkur, María er orðinn vel ólétt og þreytt og gæti farið að eiga bara hvað á hverju held ég. Stendur á fullu í því að fúga og gera upp íbúð, á bara ekki til orð yfir þessa elsku mína og hvað hún er dugleg.

Ég er útskrifaður og kominn með gráðu í finance mega nice, þarf samt að borga 5.500 kall til okkar blessaða viðskiptaráðuneytis til að mega titla mig viðskiptafræðing en svona er nú lífið :)

Báran hefur verið meira og minna lasin síðustu 2 mánuði en vonandi fer hún að braggastdatt niður í þyngd en er að ná sér aftur og alltaf jafn brosmild og falleg þessi elska...

jæja

píZ

hversu nákvæmt er þetta..

Tue, 03 Jul 2007 12:55:56 GMT

Mæli með því að þið horfið á þetta

http://videos.icnetwork.co.uk/sundaymail2/Rooney_Target_lg.mpeg

Friggin Awesome

Viva Los Rooney

Mourinho

Mon, 07 May 2007 10:07:23 GMT

Jæja gott fólk, í gær varð Manchester enskur meistari sem er ekkert nema gott og blessað þó svo að John Obi Mikel segir að Chelsea hafi átt það meira skilið vegna meiðsla, en maðurinn sá arna kann sennilega ekki að lesa því ég veit ekki betur en að varnarlína United manna 4-5 í einu hafi verið meiddir meira og minna síðasta mánuðinn ákkúrat á mikilvægasta tímapunkti deildarinnar, Mikil ósköp þá fannst mér Chelsea til dæmis í gær á móti Arsenal sýna ótrúlegan karakter og sýnir það kannski enn betur árángur United manna að hafa náð titlinum af þeim

Svo las ég þessa grein í Mogganum um að Mourinho ætlaði að gjalda líku líkt, örugglega mun það vera erfitt fyrir Obi Mikel að klappa fyrir óverðskulduðum meisturum United, en United gerði það einmitt fyrir Chelsea þegar þeir unnu sinn fyrsta titil enda þrátt fyrir allt snýst fótbolti um skemmtun og fair play, biturleiki og heimska eiga ekki heima þarna og þetta er skref sem mér finnst mjög gott, ég gæti tildæmis ekki séð Arsenal gera þetta, þeim væri skítssama og mundu aldrei gera svona að mínu mati því þeir eru sko bitrasta liðið í ensku deildinni.

http://www.mbl.is/mm/frettir/frett.html?nid=1268153

Eins vona ég svo sannarlega að Moan-inho haldi áfram með Chelsea því þó maðurinn sé ansi spes og komi með skemmtilega heimskuleg comment oft á tíðum þá er engin spurning að hann lífgi upp á deildina og eina sem mér finnst vanta með Chelsea liðið er stöðugleiki í skemmtanagildi fótboltans sem þeir spila, oft geta þeir spilað þvílíkt flæðandi bolta en oftar en ekki festast þeir í því að halda sínu og tapast þá oftast þessi skemmtilegi sóknarbolti.

Championes-

píZ

Nýr mánuður, Ný færsla!

Wed, 02 May 2007 11:25:56 GMT

Já það er með sanni sagt að þetta er orðið aldeilis dapurt hjá okkur blogglega og myndalega séð.

Við María höfum haft það fínt síðan við komum aftur til London en frá því við komum aftur hef ég skilað bókinni minni um breytingar í á hegðun íslenskra fjárfesta í kjölfar yfirtöku OMX á íslensku kauphöllinni....snooze.... og svo verkefni í Eignarstýringu.´

Síðan kom Ingunn systir og Binni á árshátíð hjá SPRON síðastliðinn fimmturdag og gerðum við margt sniðugt með þeim, á fimmtudag fórum við með þeim í Hammersmith að skoða Primark og TKMaxx en nóg hefur eflaust verið talað um þær búðir áður, enduðum við kvöldið með því að fara á TAPAS bar þar sem ég fékk stærstu T-bone steik sem ég hef séð, overall æðislegur dagur sem endaði með æðislegu kvöldi. Föstudagurinn fór svo í Eignastýringarverkefni hjá mér sem endaði í einhverjum 35bls með öllum útreikningum. Laugardaginn fórum við svo og hittum þau skötuhjú á Bellu Italiu í æðislegan síðbúinn hádegisverð og svö rölt um carnaby street og inn í Soho í æðislegu veðri. Svo fóru þau snemma heim til að skella sér á árshátíðina og var víst æðislegt á henni. Sunnudagurinn fórum við að hitta þau aftur, þetta sinn í Covent garden, mat á Pizza express og svo röltum við í Kínahverfið, framhjá Leicester square upp Tottenham court road og inná Oxford circus þar sem strætó var tekinn heim og Ingunn og þau upp á hótel þar sem þau voru að fara til Íslands um kvöldið, Helgin var í alla staði æðisleg og takk kærlega fyrir okkur Ingunn og Binni.

Síðan hefur verið sólskin og yfir 20° alla daga og við María höfum verið dugleg að rölta og í gærdag keyptum við bakkelsi og fórum í Hyde Park þar sem við lögðumst á teppi, borðuðum og nutum góða veðursins, svo fór aðeins að hvessa og við röltum inn á Green Park/Piccadilly og tókum strætó inn á Trafalgar þar sem við borðuðum yndislega Thai mat. frábær dagur enn einu sinni.

Í dag var ég í skólanum síðasta official kennslustundin í þessu fagi og er núna bara revision fyrir prófin eftir. enn er sólskin og 20°+ og er ég að hugsa um að fara út með yndislegu dömurnar í göngutúr, kannski fara með Báruna að róla hver veit.

Annars þá hefur María og litli bumbugaurinn það bara mjög gott, hann stríðir henni soldið með því að kreista á blöðruna og sparka á nóttinni til að halda fyrir henni vöku en að öllu jöfnu fer hann annars ágætlega með hana. Bára þrífst vel hérna og svei mér þá ef hún hefur ekki bætt soldið utan á sig. borðar allavega ágætlega og virðist líða vel. allt rjómabætt og fitandi ;)

nú eru bara 3 vikur í 2 próf og 5 vikur í seinasta prófið mitt svo er þetta bara búið maður!

kviss bang og allt það

svo er United að spila í kvöld - vonandi tekst þeim að sigra og komast í champions league final, en mér finnst þeir eiga það skilið fyrir characterinn sem þeir hafa sýnt, sem og Liverpool en þessi 2 lið hafa sýnt mestan character það sem af er þessarri keppni og væri það því við hæfi að þessi lið spiluðu úrslitaleikinn tala nú ekki um gamla góða rivalry'ið bara fjör!

annars þá vona ég líka að mínir menn nái að klára deildina, það væri sweet! good times

hvað er annars að frétta af ykkur?

píZ

It's a boy....

Sat, 21 Apr 2007 00:36:23 GMT

jæja dömur mínar og herrar, það er búið að skera úr um kynið af sértilgreindum læknum, hjúkrunarfræðingum og hafmeyju, þetta er víst strákur sást glitta í smátterí's pung þarna en lokaatkvæðið voru gleruaugun sem sáust á nebbanum á stráksa, þessi líka fínustu police gleraugu ha!

annars þá erum við hress, London á morgun þannig að túrelú svo flytjum við hjem!

píZ

Pólitískt blogg

Tue, 27 Mar 2007 12:26:36 GMT

...jæja gott fólk nú styttist óðum í alþingiskosningar og kominn tími til að sérhver Íslendingur geri skyldu sína og kjósi þá sem hann vill gæta sinna hagsmuna í ríkisstjórn okkar Íslendinga.

Eftir að það hefur verið sagt þá vill ég hvetja sem flesta til að sýna skynsemi og kjósa sjálfstæðisflokkin í næstkomandi kosningum og gefa þeim tækifæri til að halda áfram þeirri stenfu í að hjálpa til alþjóðavæðingu íslenskra fyrirtækja og styrkja áfram efnahaginn, Auðvitað eru sumar stefnur þeirra sem ég get ekki með góðu staðið á bakvið en horfur efnahagsins og okkar stöðu sem þegnar lofa ekki góðu ef útgjaldasukkararnir í Vinstri-Grænum eða samfylkingunni komast til valda, við vitum öll hvað gerðist í borgarmálum þegar gamli góði R-listinn var við völd en það jukust allir skattar og ýmsir nýjir litu dagsins ljós. Vinstri grænir vilja bæta hag þeirra sem minna mega sín sem er mjög göfugur og rættmætur vilji en þeir ætla sér að gera það á kostnað stóriðju og þeirra sem borga meiripartinn af þjóðartekjunum í skatta, nefnilega bankana og stóru fjármálafyrirtækin...við skulum ekki gleyma því að í þessari alþjóðavæðingu geta þessi fyrirtæki hæglega horfið af landi brott með þessar tekjur og skiljanlega gera það ef það á að fara að þrengja að þeim. Meina hver mundi ekki vera ósáttur ef tekjur hans yrðu skertar til að borga með öðrum...ég yrði allavega ekki sáttur við það. Vinstri stjórn lofar hinum og þessum útgjöldum sem endar á 1 hátt, taka þarf erlend lán til að standa straum af þessum kostnaði og í endann hækka skattana á þegnana til að borga af þeim seinna meir...

Ekki gleyma því að við höfum lengi verið að súpa seyðið af síðustu vinstri stjórn og þeirrar ótrúlegu neyslu sem var fjármögnuð að meiri parti erlendis.

Ekki má gleyma að Steingrímur J. Sigfússon sjálfskipaður siðapostuli okkar íslendinga hótaði málþófi ef það yrði leyft að selja léttvín í matvöruverslunum... þið getið rétt ímyndað ykkur túristatekjurnar sem þetta kemur til með að skila sér í ríkiskassan sem er alltaf gott fyrir okkur þegnana... en þetta minnir mig orðið á sandkassaleik nú orðið. Samfylkingin og vinstri grænir virðast sameinast um það að leggja fæð á sjálfstæðismenn og vilja gera allt til að koma þeim úr stólnum, sama hvað það kostar...en þeir borga ekki..heldur við sem endum á því

Það er aðeins eitt sem ég held að ættu að vera áhersluatriði í þessum kosningum í ár og það er að gulltryggja það að strax í haust verði það samþykkt að drulla af þessarri verðtryggingu lána sem er svo ævafornt fyrirbrigði að fornleifafræðingar víða um heim hafa sýnt þessu áhuga.

Djöfull veit ég að margir eiga eftir að segja mér sína skoðun sem er bara gild og góð og hvet ég menn til að skapa umræður um þetta því þannig fræðast menn sem mest um hvað er í gangi.

en allavega er boðskapurinn frá okkur Maríu ----- ÁFRAM X-D-----

píZ

við vorum rænd.....

Sun, 25 Mar 2007 13:34:34 GMT

...en til að gera ykkur ekkert of hrædd þá var það ekki veraldlegir hlutir sem hurfu heldur var það tími en í nótt var klukkunni breytt og þegar ég vaknaði kl. 10 (að ég hélt) þá var klukkan í raun 11 !!!!!!!! þvílk svik og prettir en mér líður ekkert eins og ég hafi sofið í tæpa 11 tíma, svaf bara í 10. Ég er bara ekki að ná mér eftir þetta rán.

jæja anywho nú er seinustu helginni okkar hérna í London í bili að ljúka og komum við víst heim til Íslands eftir 4 daga og verður það bara sveimérþáaldeilis gaman. Annars erum við öll hress og kát, búin að hafa það very nice og hlakkar okkur til að hafa það meira very nice heima á Íslandinu góða.

Pantanir á heimsóknum verða teknar í síma 820-3433 milli 12:00 12:01 alla virka (djók(samt ekki(samt(kannski ekki(en jú örugglega))))) og verður skipulagið þannig að fyrstur kemur fyrstur fær!
Annars þá er veðrið að hlýna aftur og spáð heiðskírt og 15+ næstu daga,

og já Manchester United er enn á toppnum

píZ

5 dagar í Ísland....

Fri, 23 Mar 2007 15:46:08 GMT

jám, það er ótrúlegt en satt þar sem ekki eru nema 5 dagar í að við komum og hlakkar okkur orðið ansi mikið til, Báran dansar, Marían blómstrar og geirurnar á Óla stinnast meir og meir með hverjum deginum sem líður :o (myndskreytið..með hárum)
Það verður gaman að koma og hitta alla þó Ólafur Liljurós verði eflaust eitthvað með nefið á kafi í tölvunni sökum lokaverkefnis en það þýðir ekki það að samtal um pólitík og Tópas verði ekki í hávegum haft!

annars þá höfum við hjónin tekið þá ákvörðun að við ætlum að njóta þess til hins ýtrasta að koma í "seinustu" heimsóknina til Íslands og verður sko byrjað eftir flugið að fara á hið virta veitingahús Nonnabita! og fá sér eitthvað megasveitt.
Verðum á Hjaltabakkanum fyrstu dagana, Borgartúninu einhverja daga þar á eftir og Hjaltabakkanum svo aftur, María ætlar að nýta fríið og læra að prjóna og djöfull líst mér vel á það...kannski eftir nokkra mánuði prjóni hún handa mér ógisslega töff lopapeysu...með "Óli er maðurinn" skrifað á bakið ;)

annars gengur lokaverkefnið mitt mjög vel bara, hjónabandið enn betur, föðurhlutverkið skulum við ekkert nefna og í lok ágúst verður þessi fjölskylda orðin 100% stærri en hún var áður en við fluttum út. hversu kreisí er það, það er ansi góð markaðsávöxtun dömur mínar og herrar!

Báran er orðin ansi dugleg að hjálpa mömmu við húsverkin og þegar Mamma raðar úr matvörupokanum í ísskápinn og skápinn hjálpar hún mikið til með að setja ýmislegt dót frá sér með, kubba, sokka og gemsann hennar mömmu sinnar, einnig er hún dugleg að tína til óhreina tauið af sér og smella því inn í þvottavélina...svona eins og mamma gerir :)
Ekkert betra til í heiminum en lítil búkona sem þrífst á hrósi, elskar sokka og klappar fyrir sjálfri sér fyrir hið minnsta viðvik.

Annars þá er Manchester United enn á toppnum

píZ

..........

Sat, 17 Mar 2007 18:39:31 GMT

jæja allt gott að frétta af okkur enn...njótum bara lífsins í sumarveðrinu hérna í London.

Við vorum í sónar í gær og allt leit vel út, handleggir, fætur og haus á sínum stað og hjartað sló duglega. Ekki var hægt að sjá kynið þar sem það er pínulítið of snemmt til að segja um...ég var þó á þeirri skoðun að hreyfingarnar sem ég sá minntu mig soldið á fyrri sónara...fékk vægast sagt deja vu þegar barnið var með krosslagðar fætur eins og Báran var..... :o skildi það vera tákn.. hvur veit

Allavega þá eru núna 12 dagar í heimkomu og teljum við spennt niður

jæja þarf að fara að elda og horfa á smallville....

píZ

smá mont...

Sun, 11 Mar 2007 23:24:56 GMT

Jæja þá er enn ein helgin fokin og aðeins 17 dagar í að við María heiðrum Ísland með nærveru okkar...ótrúlegt hvað tíminn líður og styttist í að við verðum fastagestir á Íslandi....þetta er ótrúlegt að hugsa til þess....ekki eins og maður hafi ekki nóg að hugsa um skólann er maður farinn að hugsa um íbúðina okkar og hversu gott það verður að flytja þangað og svona. Ég er meira að segja orðinn fastagestur á heimasíðum bílasala því jú einhvernveginn verður maður að geta flutt sig á milli.. eftir miklar skoðanir og vangaveltur er ég klár á því að Subaru Legacy sé bara málið. TÖFF, 4WD, Station og tekur allt dótið okkar :lol: annars þá áttum við fjölskyldan bara yndislegan dag í dag þar sem við vöknuðum snemma og tók sólin á móti okkur.

Veðrið í dag var fallegt og það er greinilegt að nú er að koma sumar. Hitinn hélt sér í kringum 15° og sólin skein. Fórum með strætó upp á Oxford stræti þar sem við fengum okkur lunch á Garfunkel's ... eftir sælgætið þar fórum við í smá göngutúr sem fólst í að labba aðeins upp Oxford tókum svo beygjuna niður New Bond Street en það er gatan með öllum plebbabúðunum eins og Alexander McQueen, Calvin Klein, D&G og svo lengi má telja, komum þar niður á Piccadilly og ákváðum að rölta niður í Green Park og var margt um manninn þar á þessum yndislega degi. Þegar þar var komið blasti við okkur BUCKINGHAM Palace og þar sem við vorum nú komin þangað ákváðum við að fá okkur te með Betu og Kalla skoðuðum þessa höll aðeins og sáum verðina haga sér eins og fífl, labba skringilega með loðhatta og alles, örugglega verið rosalega heitt.

Þaðan löbbuðum við svo í gegnum St. James's Park og sáum meðal annars svartan svan....ótrúlega fyndið, hélt þeir kæmu bara í einum lit :o löbbuðum svo frammá Whitehall og niður á house of Parliament og tókum svo bussinn heim til Afríku.

Nú er ég svo þreyttur að ég er að spá í að fara að drullast í bólið.... og ég veit ég veit við verðum að fara að setja myndir inn á síðuna en við erum að þrjóskast við svo fólk komi frekar í heimsókn....hey....get lofað sól og sumaryl sjáið bara veðrið framundan en það er linkur á það hérna vinstra megin á síðunni ;)

anywho allir hressir, kátir, bumban stækkar og María farin að finna fyrir peyjanum...virðist vera að hressast öll til þannig að betri tímar framundan for sure...

píZ

Shop until you drop!

Thu, 08 Mar 2007 12:08:59 GMT

Það er nýja mottóið mitt :) nei en allavega þá fundum við María snilldarbúð sem kallast TK Maxx um daginn. Búðin er snilldarleg að því leytinu til að þeir eru að selja merkjavöru, reyndar ´last season' en á feiknagóðu verði, þannig er mál með vexti að þarna fékk ég Levis buxur fyrir 4þús kall, Calvin Klein skyrtu á 3 þús, ógeðslega töff, keypti mér fullt af skyrtum fyrir vinnuna, og þessar buxur á kannski 15 þús kall ísl en á Íslandi hefði þessi pakki kostað mig lágmark 60þúsund, ég er svo uppnuminn af þessu að þetta er mitt fyrsta visit þegar ég kem til London í framtíðinni, algjör snilld.

María fékk þessa fínustu kuldaskó á 20 quids en á Íslandi hefðu þeir kostað lágmark 25þús...meina hversu mikil snilld er þetta,

Þarna er hægt að fá allt frá designerum eins og D&G, Calvin Klein, Lagerfeld, Hilfiger, Ben Sherman, Donna Karan og fleirum, allt á um 20-30 quids, jakkaföt frá Lagerfeld á 15þús ISK

snilld snilld snilld....annars er allt gott að frétta af okkur, vorið er komið í London og sólin skín hátt á lofti og veðrið hlýnar með hverjum deginum sem líður. Nú eru bara 3 vikur upp á dag í að við komum heim í páska"frí" en ég verð að klára ritgerðina mína og María og Bára verða bara að dunda sér einar í smá tíma í viðbót :|

Anna og Birta voru hjá okkur um daginn og var það alveg æðislegt að fá þær í heimsókn, þetta er þriðja heimsóknin sem við fáum hérna og vonandi koma fleiri í heimsókn, þó tíminn styttist óðum en þrjár vikur eru eftir núna og aðeins 6 vikur þegar við komum aftur.

Fékk útúr prófunum mínum í gær en ég er með meðaleinkunn upp á 63 sem ég reyndar tel að eigi eftir að hækka aðeins en það er einhver nefnd sem kemur saman í sumar og skoðar þær aftur. þess má geta að allt yfir 70 þykir framúrskarandi og á íslenskum mælikvarða væri ég í kringum 8 - 8,5 nokkuð sáttur með það bara... en eins og ég segi býst ég við því að það hækki ;)

Ég er bara í þeim prócess núna að sækja um vinnur og er með nokkur jákvæð járn í eldinum

Bumbunni hennar Maríu líður ofsavel og förum við í sónar þann 16.Mars og verður gaman að sjá hvernig allt gengur. Bára greyið er að taka tennur aftur og er komin með 1 jaxl en hinar tennurnar eru við það að brjótast í gegn greyið þannig að hún er soldið doldið pirruð þessi elska... annars er hún farin að fara í skó og labba alveg slatta út um allt þegar við kíkjum út og líka hérna heima.

was ist los -- kíkið á nýju skoðanakönnunina

píZ

að vera franskur og að vera tapsár

Mon, 26 Feb 2007 23:22:50 GMT

ég er alveg klár á því að það er einhver fylgni þarna á milli....correlation spurning samt hvort hún sé linear eða ekki

En ég hef löngum staðið fast á því að Wenger og Henry séu 2 tapsárnustu menn í enska boltanum og hafa verið lengi, ef þeir tapa þá eru allir aðrir svo vondir við þá´, dómararnir, enginn spilar fallegan bolta (skal alveg viðurkenna að á góðum degi spila fáir jafn fallegan bolta og Arsenal en það er ekki málið, það er engin skylda) og svo má lengi telja upp, ég hélt kannski að þetta væri bara einskorðað við þá að af því þeir væru búnir að vinna lengi saman og héldu bara að þeir ættu að vera invincible en greinilega er þetta eitthvað franskt.

Það eru mikil læti búin að vera undanfarið út af leik Lille og Man.Utd þar sem Ryan Giggs skoraði mark úr mjög snöggt tekinni aukaspyrnu, hefur gerst margoft í öllum deildum og meira að segja í landsleikjum, en Lille greinilega vill vera undanþegið því þeir eru að stilla upp varnarvegg, hversu aumkunarvert er það, Lille gegn heiminum og hnignum í fótbolta segja þeir. Ekki skil ég það því fyrrnefndu Henry hefur gert þetta a.m.k 2svar í deildinni í ár og einu sinni í landsleik...ekki mikið kvartað þá... biturleiki á hæsta stigi, að lið sem er að keppa í meistaradeild var tilbúið að labba útaf, mér finnst persónulega að það ætti að banna þá frá CL í einhver ár fyrir svona hegðu, meina þetta eiga að vera atvinnumenn.

ekki nóg með það heldur læstu þeir alla United aðdáendur inni með lásum og keðjum þannig að ekki var hægt að flýja undan því ef troðningur yrði, henda svo táragasi á fólkið sem er að flýja undan troðningi og ráðast á það með hundum, og hafa svo kjarkinn til að kenna United um út af því að þeir létu aðdáendur sína fá miðana mánuði fyrirfram eins og venjan er og hefur alltaf verið og segja að það sé ástæðan fyrir svona mikið að fölsuðum miðum hafi verið í umferð. Held að það ætti nú frekar að kenna dyravörðunum fyrir að hleypa fölsuðum miðum inn en mér skilst að það hafi ekki verið erfitt að falsa þá því þeir voru svo illa gerðir fyrir.

Þeir mótmæltu til UEFA og vildu láta spila leikinn aftur því dómarinn vildi að United vinni og eyðilagði leikinn. UEFA réttilega henti kröfunni burt og hló að þeim og Lille var í þessu að ákveða að áfrýja á þeim grundvelli að það væri verið að gera aðför að fótbolta almennt en ekki Lille. barátta Lille gegn illum öflum heldur semsagt áfram

verst að Michel Platini er orðinn forseti og því tel ég að þeir fái ekki þá refsingu sem þeir eigi skilið þessir bitru ostaétandi, rauðvínsdrekkjandi vælukjóar.

annars allt gott að frétta!

hvað með ykkur?

píZ

bolludagur....hversu góður er dagurinn í dag.

Mon, 19 Feb 2007 17:43:22 GMT

...en það er til gott svar við því :)

Dagurinn í dag hefur verið megagóður, byrjaði reyndar þreytulega í reikningi dauðans í PIM eða Portfolio Investment Management fyrir ykkur hin, svo var komið heim var gert smá research fyrir ritgerðina og svona og á meðan bakar hún María mín þessar yndislegu bollur...mmm vatnsdeigsbollur með súkkulaði, rjóma og sultu ..slef..

og dagurinn verður bara betri en í kvöldmat fæ ég Danish Smoked Cured loin joint sem er bara basically eins og Hamborgarhryggur án beinsins með Báru salati og sveppasósu jumm jumm gimmie sum.... ennþá meira slef.....

Annars eins og vanalega er gott af okkur að frétta, Báran sprettar úr spori og er maður ansi hræddur um að hún komi til með að brenna ennþá meira en hún gerir en eins og flestir vita er hún ekki sú sverasta í bransanum... og þó svo að við mamma hennar gefum henni vel af öllu virðist ekkert ná að tolla utaná henni.

annars þá er bara sól í heiði og vor í lofti, ásamt koltvísýring og annarri mengun í Londres

stutt í vorið hérna og að hitinn fari að hækka og verður þá ennþá meira þank jú veri næs

píZ

just another day...

Sun, 18 Feb 2007 11:54:06 GMT

...og við María áttum ágætis laugardag í gær, ákváðum svona til tilbreytingar að fara út og gera eitthvað frekar en að hanga heima as usual. Hringdum í Gummsann sem var á kafi í göngutúr með Hrella, Brynju og Óla Johnson félaga þeirra hérna í London eftir heftí Power Brunch.

Hittum við þau við Tate Modern Museum og stóðum við Thames í ágætis veðri og spjölluðum heillengi. Ákváðum loks að drífa okkur af stað og fórum í smá göngutúr, gengum yfir Thames upp að St. Pauli kirkjunni. Þaðan löbbuðum við að Covent Garden og stoppuðum við á leiðinni á Starbucks í smá Frappuccino og næringu. Þaðan löbbuðum við á Covent Garden Market þar sem margt var um manninn og rosalega gaman að upplifa þessa stemmingu þar. Síðan löbbuðum við inn á Leicester square og settumst inn á ítalskan veitingastað sem heitir L'ulivio og fengum okkur pasta og lasagna og var ég svo heppinn að það var einmitt verið að sýna Man.Utd Vs Reading - má deila um það hvort leikurinn sjálfur hafi verið jákvæður eður ei.

en allavega þá var þetta góður dagur sem endaði svo í kósý kvöldi í Litlu Afríku og snemma að sofa.

Annars er allt gott að frétta af okkur hjónum, höfum það barasta ágætt hérna, Maríu reyndar er enn soldið óglatt og fær verki af og til en þetta er partur af þessu bara. Bára stækkar óðum og er nú alveg farin að sleppa sér í labbinu og er bara frekar stolt af sér með þetta allt saman.

Vorum bara að vakna og ætlum að fá okkur breakfast og kannski kíkja aðeins út en veðrið hérna hefur undanfarið verið barasta gott og um að gera að nýta sér það, Vorið er á næsta leiti hérna í UK.

hvað er títt?

píZ